Sonda, ils 14.05.2022 avain nus festivà ensemen cun blers: 20 onns Expo.02 e 20 onns Das Zelt.

Nus avain gì la pussaivladad da preschentar en il rom da questas festivitads l’idea da la chapitala culturala svizra sco er il project als giasts preschents da la politica, da l’economia, da la cultura e dals anteriurs da l’Expo.02.

A la festa da giubileum è stada la proxima exposiziun naziunala svizra en il center: Signur ambassadur dr. Eric Jakob, manader da la Direcziun per la promoziun dal lieu, ha preschentà la tenuta dal Cussegl federal e delegaziuns da tut ils tschintg projects actuals da l’exposiziun naziunala han preschentà lur ideas. Sper pleds da represchentantas e represchentants da la politica, da l’economia e da l’Expo.02 han natiralmain era dà in sguard sin il temp da l’Expo.02 cun preschentaziuns da films e fotografias.

Expo.02 – quai è stada l’emprima exposiziun naziunala svizra en il nov millenni. 39 exposiziuns e passa 13'500 occurrenzas ha la regiun dals trais lais fatg daventar il center cultural da la Svizra durant 159 dis. 10.3 milliuns umans han visità durant ils 15 da matg fin ils 20 d’october 2002 las quatter arteplages a las rivas dal Lai da Neuchâtel, Bienna e Murten ed èn sa participadas a questa festa gigantica, quest eveniment nunemblidaivel, ch’è daventà pussaivel pir grazia a l’engaschi instancabel da millis e millis collavuraturas.

Das Zelt era in dals lieus da gieu da l’Expo.02 ed è oz l’unic project da l’Expo.02 ch’exista anc. La plattafurma mobila d’events vegn visitada en media da 120'000 fin 150'000 persunas ad onn.

Program
Exposiziuns naziunalas – autoreflexiun davart l’avegnir da la Svizra

Sonda, ils 14.05.2022 en la tenda a Bienna, Expo Park