L’uniun Chapitala Culturala Svizra, la scola auta spezialisada HES-SO e la Haute Ecole de gestion Arc (HEG Arc) envidan ad ina conferenza da medias, en la quala vegn preschentà in project per in nov eveniment cultural en l’entira Svizra che ha ina pretensiun artistica e sociala adattada al 21avel tschientaner.

Il project Chapitala Culturala Svizra è vegnì concepì l’onn 2002 a chaschun da la 6avla exposiziun naziunala ed elavurà 10 onns suenter quella. L’atun 2015 ha l’ Arc cumenzà cun in studi che duai valitar sia relevanza. Quest studi finanzià da la HES-SO è vegnì terminà l’october 2016.

Il project ed ils resultats fitg empermettents dal studi cun il titel «Da las Chapitalas Culturalas Europeicas a las Chapitalas Culturalas Svizras, tge adattaziuns per tge consequenzas?» vegnan preschentads gievgia, ils 19.01.2017 a las 10:00 en il Vatter Business Center (spazi Adrian Frutiger) Bärenplatz 2, 3011 Berna

A la conferenza da medias discurran Daniel Rossellat, president da l’uniun Chapitala Culturala Svizra, Luciana Vaccaro, rectura da la HES-SO, Mathias Rota, collavuratur scientific da l’Arc ed autur dal studi.

> Einladung zur Medienkonferenz (per tudestg)
> Invitation à la conférence de presse (per franzos)
> Invito Conferenza stampa (per talian)